Ujko Vasyľ...

Korčma. Kamarat bisiduje z Vasyľom.
-Vasyľu a ty jes už dakoly, tak odkryto - dospravdy od serca, poviv Paraski, što soj o ňi dumaš?
-Hej, chočeš, možu ti i jazvu/šram tu na holovi vkazaty...?!

Paraska:
-Našla jem Vasyľiv zapysnyk/dzerkajdelko z materskoj školky/ďiťačoho sadu. A tam napysano - dobri isť, spyť i bavkať sja... Perešlo 50 rokiv - nyč sja ne zminylo..

Vasyľ:
-Parasko, ne choču povisty, že jes tučna, ale tvoja baba - by z ťa maly radisť...

Rano po silvestrovski oslavi hvaryť Paraska Vasyľovi:
- Lem soj predstav, što suť to dnyskaj za ľude...?! Dachto nam vkrav dvi skľanky na vyno...
- A kotry?
- Toty z napysom Hotel Laborec...

-Vasyľu, što by jes poviv na to, kiby jes strityv ženu, kotra ti všytko perebačiť, je ku tobi myla, dobra, ňežna, laskava a iši i dobri varyť...
-Vytajte, mamo...!

Teta Paraska:
- Kiby komary pyly namisto krovi žir/šmalec/tuk, ta ne bylo by jim pary...

-Vasyľ, što robyš?
-Nyč...!
-Šak i včera jes nyč ne robyv?!
-Robyv a ne dorobyv...!

Ujko Vasyľ:
Na počatku soj vozmeš lasťivočku a poťim žyješ z pinguinom...
alias
A poťim žyly ščastlyvo i dovho - misjac sčastlyvo a 50 rokiv dovho...

Ujko Vasyľ:
Pervŷj raz jem sja oženŷv u Barďijovi, manželstvo sja ne vŷdarylo. Druhŷj raz jem sja oženyv u Snyňi, manželstvo sja tak samo ne vŷdarylo. Treťij raz jem sja oženyv u Labirci. Parada, manželstvo sja vŷdarylo. Od teper sja budu furt lem u Labirci ženyty...!

Marča dala inzerat do Labirskych novynok.
-Prodam svadobny šaty čislo 36,38,40,42...56. Už ne mam syly dovše čekaty...!

Ujko Vasyľ sja zviduje kamarata:
-Ty, jes sja de včera na muzyki propav...?
-Hledav jem soj paru...!
-Našov jes?
-Hej, Natašu i Tamaru...!

Ujko Vasyľ:
-Mam rad svojich kamaraťiv, z nyma haňba - ale tak veselo...

-Kolyskaj babky prosyly vnukiv zaprovadyty nytku do ihly, dnyskaj - heslo do facebooka...

Paraska:
-Kiď prychodyv za mnov ľubovnyk - viďily všytky. Kiď pryšly zloďije, spalo cile selo...

Afryka. Ujko Vasyľ sja kupať zos grupov bilych turysťiv u riki. I zviduje sja tlumočnyka, čom cile mistne žyteľstvo vyšlo na bereh i tak vzrušeňi debatuje...
-Ne bojte sja, ne o vas ide bisida, ony suť lem bars udivleny, čom dnyskaj krokodily taky ľinyvy...

Hotel Laborec. Nahňivana paňička soj klyče časnyka/kelnera ku sobi.
-Pane, čom moja findža kavy pachne za mužskym prirodžiňom?
Časnyk nonšalatňi opachať cilu šalku po obvoďi i hvaryť:
- Ja žadnu taku pachotu ne čuju, sprobujte vzjaty findžu do druhoj ruky...

-Joj, mamko, mamočko, tu mi dajake čudo ležyť pid perynov...
-Jake jes soj v noči pryviv z baru, take tam maš...!

Kamarat Vasyľovi:
-Vasyľu, včera jem ťa viďiv, jak vychodyš z korčmy...
-Što narobyš, často jem tam - no byvaty tam ne možu...!

Ujko Vasyľ po navraťi z Indii.
-Kiď u Indiji balyš ženu a ona sohlasna na seks, ta sja ji červena točka/bodka na čeli sfarbyť na zeleno...

Ujko Vasyľ:
- Baba bez bez chlopa, jak dub bez ďatľa...!