Ujko Vasyľ...

Vasyľ umerať. Z poslidňich syl hvaryť Paraski:
-Ne plač, moja... Naisto sja iši vydaš...
-Ne buď durnyj...! Kiby cholem iši tak pered 10 rokami...!

Teta Paraska:
-Dnyskaj rano jem sja maľuvala, pjať raz jem zamlila od tikoj krasoty...

Predvolebnyj. Kocur jak politik.
Murko žyjučij na labirskim bytunku, sja bojiť, že ho vykastrujuť... Ne može byty tak blaženo - furt na viky...

Paraska sja na ľičiňu u Bardijivskych Kupeľoch zoznamyla zo sympatičnym chlopom. Peršyj večur sja jej ne dotknuv, druhyj večer ji nesmilo pohladkav ruku, treťij večur lokeť... Paraska sja už ne strymala i hvaryť:
-A vy što soj dumate, že jem tu na try misjaci pryšla...!

Cholodna osiň. Frajir čekať na Marču. Stojiť na labirskim chodnyku nedaleko od prodavačky z kvitkami.
-Molodyj čolovik, kupte ružičku svoji ďivki, už jem zamerzla tu lem tak stojaty...
-Tiko stojiť kvitok?
-Try evra za kus/falatok...!
-Teto, maly ste sja tepliše oblyči...!

Prychodyť Paraska po Marčiku do labirskoj školky.
Sonyčko svityť. Ďity siďať v pisku z mobilnyma telefonami a učiteľka soj dryme na lavočki.
-Ne bojite sja, že sja vam dajaka ďitysko stratyť?!
-Ňi, de by chodyly, však wi-fi signal lem na piskovysku...!

Mudrota ujka Vasyľa: Žeby ďity postavyty na nohy, treba jich perše zňaty zo svojoho karchu...!

Ujko Vasyľ:
-U čukotski Kamasutri lem dvi pozyciji - v jurťi i za jurtov...

Paraska:
-Včera jem soj vysluchala od Vasyľa cilu pravdu o sobi. I tak mi ho odrazu pryšlo žaľ... Z kym lem vin to chudak žyje...?!

Teta Paraska:
-Žena mať naležaty tomu chlopovi, kotryj rišyť všytky jej problemy a ne vyrabjať ji novy...!

-Už by maly u nas povolyty mnohoženstvo... Jak sja može jeden čolovik sam tak ťažko morduvaty...! narikala Paraska, sama nad sobov, kiď vlekla pjanoho Vasyľa z korčmy na pjate poschoďa/etaž.

-Už jem na to pryšla...!
-Na što, Parasko?
-Nažhavena/rozpečena vec zvekšuje svij objem...!
-No i...?
-Ja ne tučna, lem nažhavena...!

Ujko Vasyľ:
-Opravyty hrichy molodosty už ne dokažu, ale narobyty novy iši hej...!

Ženska taktika:
-Vasyľu, kiď ňa teper ne pomyluješ, tak povim tvoji Paraski, že jes ňa pomyluvav...!

Ujko Vasyľ i joho Moskvič.
-Na 69. storinci instrukciji na chosnuvaňa motora našov Vasyľ cestovnyj avtobusovyj porjadok okresu...

Šefka Paraska odyšla na dovolenku - oddychuvav cilyj kolektiv...!

Ujko Vasyľ:
-Moja Paraska bude baču upir, ne choče sja zo mnov ciluvaty, kiď jem il česnok...

Zakon pryrody:
-Što ťa ne zabje, možeš iši raz...!

Staroba. Hluchyj Vasyľ na vysluchu.
-A to ste Vasyľu ne viďily, že vaša žena sja na večeri davyť!?
-Što hvaryteee...?
-Čy ste ne registruvaly, čudne spravaňa Vašoj ženyyy...?
-Kiď sme ily kapra, ta dajak nadovho otvorjala gambu, ale ja soj dumav, že spivať koľadky...

Prypytok tety Parasky v peredprazdnynovim žeňskim klubi u Labirci:
"Ide putnyk po pustyňi-žara, sonce u zeniťi. Vydyť - čolovik ležyť na pisku, umerať, no išči žalostyvo prosyť: -Voduuuuu..., vo-duu...!
Putnykovy bylo žaľ daty svoji poslidňi kvapky vody... Ne dav ich, pišov dale... Čy dovho vin išov, čy korotko, no i tak hnulo sja u ňim sumliňa. Vernuv sja, lemže už bylo pizno, čolovik umer....
-No i tak davajte ďivky, vypjeme soj na to, žeby zme davaly, kiď druhy prosjať a ňi vtody, kiď sja nam choče a ňit komu...! Radistny prazdnynovi dňi...!