Promocija Rusnacko-serbskoho slovňika

 

Промоция Руско-сербского словнїка
 

Промоция першого виданя Руско-сербского словнїка будзе отримана на пондзелок, 5. юлия у Влади Войводини.
Капиталне дїло - Руско-сербски словнїк - вишол у виданю Оддзелєня за русинистику Филозофского Факултету у Новим Садзе и Заводу за културу войводянских Руснацох.
 

Виробок и його видаванє допомогли Покраїнски Секретарият за културу и Покраїнски Секретарията за предписаня, управу и национални заєднїци, а Словнїк друковала Друкарня Влади АП Войводини.
 

Руско-сербски словнїк ма обсяг од скоро 1 000 боки, облапя коло 38 000 руски слова. Виробели го др Юлиян Рамач, др Оксана Тимко-Дїтко, др Михайло Фейса и мр Гелена Медєши. Главни редактор Словнїка др Юлиян Рамач.
 

Як плановане, на промоциї Словнїка на пондзелок, бешеднїкох и присутних привита покраїнски секретар за културу Милорад Дюрич, а о тим капиталним виданю позарядового значеня за руску културу буду бешедовац и покраїнски секретар за управу, предписаня и национални заєднїци мр Андор Дели, Шеф Катедри за руски язик др Юлиян Тамаш, главни редактор Словнїка проф. др Юлиян Рамач, коавторка мр Гелена Медєши и директор Заводу за културу войводянских Руснацох Мирослав Кевежди.
 

Промоция Руско-сербского словнїка 5. юлия будзе отримана у Централним голу Влади Войводини, Михайла Пупина 16, на 18,30 годзин. Орґанизатор промоциї Завод за културу ВР, а домашнї Покраїнски секретарият за културу.
 

(конєц) зам